Cassiodorus Cassiodorus, Historia Ecclesiastica, 12, 7, 1 His ita provenientibus, de electione episcopi quaestio rursus exorta est, et multi Philippum, cuius iam feci memoriam, plurimi Proclum eligebant. Potuitque Proclus tenere pontificatum, nisi quidam procerum prohibuissent, dicentes regulam ecclesiasticam non permittere eum qui alterius civitatis episcopus nominatus est, ad alteram migrare civitatem; quod dictum populos revocavit.