Cassiodorus Cassiodorus, Historia Ecclesiastica, 7, 21, 1 Igitur imperator Valens Chalcedonensis urbis, contra Byzantium positae, muros destrui iussit. Iuraverat enim hoc se facturum, tyranno victo: quia Chalcedonenses favore tyranni ei turpes contumelias intulerunt, et portas clausere civitatis. Murus ergo iussione destruebatur imperatoris, et saxa ad aedificium thermarum, quae Constantianae vocantur, Constantinopolim vehebantur.