Cassiodorus Cassiodorus, Historia Ecclesiastica, 2, 22, 6 Propter Eusebii namque seductionem et subversionem, conscientiam percepistis a veritate separatam. Sed erit huius rei non tarda salubritas, si episcopum fidelem et integrum nunc sumentes, respiciatis ad Deum. Quod utique ad praesens in vobis est studium, et istud in vobis esse oportuerat; et dudum in vestro pendere iudicio, nisi praedictus Eusebius pessima consciorum suorum tuitione venisset huc, et ordinem rectitudinis impudentissime confudisset.