Cassiodorus Cassiodorus, Historia Ecclesiastica, 10, 3, 5 Hinc perterritus Theophilus, Ioannem ordinavit episcopum. Qui suscepit episcopatum sexta decima die Februarii mensis, consulatu Honorii imperatoris et Eutychiani praefecti. Quia vero Ioannes vir fuit omnino praeclarus, ex libris quos reliquit agnoscitur. Cuius vitam, genus, conversationem, et quemadmodum sit depositus, et morte potius honoratus, exponam.