Cassiodorus Cassiodorus, Expositio in Psalterium, 3, 140, 4 Intelligens propheta humanam fragilitatem diversis peccatorum nexibus implicatam, prima sectione Dominum rogat ut eius audiatur oratio, subiungens a quibus se maxime liberari deprecetur erroribus. Secunda, eligit se a iusto argui quam a peccatore laudari, supplicans ut custodiatur a laqueis peccatorum, quoniam nullam communionem cum eis se habere testatur.