Cassiodorus Cassiodorus, Expositio in Psalterium, 3, 118, 58 Defectio animi tenuit me, pro peccatoribus derelinquentibus legem tuam. Hic pictas sanctae conversationis exponitur, ut dolore se defecisse dicat, quia peccatores legem Domini deserere cernebantur. Necesse est enim ut sanctum virum alterius culpa contristet, dum animus pius salvos fieri desiderat universos; et quem non optat excedere, affligitur cum ei poenas cognoverit imminere. Scit enim quia gratuite illatum malum suum potius gravet auctorem. Unde sancta cohors non tantum poenis suis, quantum tyrannicis torquebatur excessibus.