Cassiodorus Cassiodorus, Expositio in Psalterium, 2, 83, 22 Mirabilis psalmus et omni mundana suavitate iucundior, qui sic nobis Ecclesiae torcularia fecit omnino dulcescere, ut optabilius habeamus tali fasce deprimi, quam huius felicitatibus sublevari. Unde iam merito dicimus: Concupiscit et deficit anima mea in atria Domini. Sed sanctam petamus Trinitatem, ut quemadmodum sensus nostros dulcedo praesentis lectionis affecit, ita iugiter in nobis maneat, quod ipse miseratus infudit.