Cassiodorus Cassiodorus, Expositio in Psalterium, 2, 81, 13 Exsurge, Deus, iudica terram: quoniam tu haereditabis in omnibus gentibus. Cui dicitur, Exsurge, nisi illi qui praevidebatur occidi? Iudica terram, eidem ipsi dicitur de quo scriptum est: Cum autem venerit Filius hominis in maiestate sua, et omnes angeli cum eo, tunc sedebit super sedem maiestatis suae, et congregabuntur ante eum omnes gentes. Haereditabis in gentibus, terram scilicet quam superius dixit, illam quam beati possidebunt, et aeternam iucunditatem magnae felicitatis accipient.