Cassiodorus Cassiodorus, Expositio in Psalterium, 2, 56, 8 Clamabo ad Deum altissimum, Deum qui benefecit mihi. Magnus ordo piae praedicationis ostenditur, ad Altissimum clamare, ad quem non voce valida, sed puritate conscientiae pervenitur. Clamabat ille ab humanitate suscepta, a quo supernae creaturae opem non desinunt postulare. Nam quod dicit, Deum qui benefecit mihi, designat excellentissimum incarnationis arcanum, quod humano generi gratia divina collatum est.