Cassiodorus Cassiodorus, Expositio in Psalterium, 1, 41, 20 Dum confringuntur omnia ossa mea, exprobraverunt mihi qui tribulant me. Ossa ad firmitatem mentis saepe diximus pertinere. Ergo dum patientiae nostrae virtus affligitur, quasi ossa franguntur. Hoc irrident videntes inimici, et velut probrosum aliquem abominantur, cui nullam felicitatem mundi istius arridere cognoscunt.