Hieronymus Hieronymus, Hebraicae Quaestiones in Genesim, 18, 4 Et dixit: Numquid est, Domine, si loquar? Quod Graece scriptum est, μήτι,Κύριε,ἐὰνλαλήσω. Secundo Abraham est locutus ad Dominum: quod non videtur manifeste sonare quid dicat. In Hebraeo igitur planius scribitur: Ne, quaeso, irascaris, Domine, si locutus fuero. Quia enim videbatur interrogans, Dominum arctare responsione, temperat praefatione quod quaerit.