Hieronymus Hieronymus, Commentarii, in Ieremiam, 3, 13, 32 Super colles in agro vidi abominationes tuas. Vae tibi, Ierusalem, non mundaberis (sive quia non es mundata) post me, usquequo adhuc? non solum in media urbe Ierusalem, sed in omni colle cunctisque regionibus vidi idola tua, unde dicitur ad eam: Vae tibi, Ierusalem, quia non es mundata post me, ut cum mea te iactares sequi vestigia, et confessionem mei nominis ventilares, tamen numquam purgata sis, quia oblita es mei, et sperasti in mendaciis.