Hieronymus Hieronymus, Commentarii, in Ezechielem, 14, 48, 33 Quodque sequitur: Usque ad aquas contradictionis Cades, haereditas contra mare magnum; pro quo LXX transtulerunt de Theman, et aqua Mariboth, Cades, haereditas usque ad mare magnum, illud est observandum in Hebraico eumdem sermonem NEHELA, quia ambiguus sit, et haereditatem sonare, et torrentem: et hic magis torrentem accipi debere, quam haereditatem. Iste est enim torrens qui ingreditur mare magnum Rhinocorurae, ut ante iam diximus.