Hieronymus Hieronymus, Commentarii, in Ezechielem, 14, 47, 37 Et erit tanquam lignum quod plantatum est secus decursus aquarum, quod fructum suum dabit in tempore suo, et folium eius non defluet. Per singulos, inquit, menses afferet primitiva, sive ut in LXX scriptum est: Fructus eius in renovatione sui primitiva dabit; ut omnes credentium fructus primitiae sint, et singuli menses singulis apostolis deputentur.