Hieronymus Hieronymus, Commentarii, in Danielem, 9, 1 In anno primo Darii filii Assueri, de semine Medorum, qui imperavit super regnum Chaldaeorum, anno uno regni eius. Hic est Darius, qui cum Cyro Chaldaeos Babyloniosque superavit, ne putemus illum Darium, cuius anno secundo templum aedificatum est (quod Porphyrius suspicatur, ut annos Danielis extendat) vel eum qui ab Alexandro Macedonum rege superatus est.