Hieronymus Hieronymus, Commentarii, in Danielem, 3, 39 Qui respondentes regi dixerunt: Vere rex. Respondit rex, et ait: Ecce ego video viros quatuor solutos, et ambulantes in medio ignis: et nihil corruptionis in eis est, et species quarti similitudo filii Dei. Rursum dicam: O quam sapiens ignis, quam inenarrabilis Dei potentia: vinculis stricta sunt corpora, uruntur vincula, corpora non uruntur.