Hieronymus Hieronymus, Commentarii, in Danielem, 1, 18 Et omne verbum sapientiae et intellectus quod sciscitatus est ab eis rex, invenit in eis decuplum super cunctos hariolos et magos qui erant in universo regno eius. Pro hariolis et magis, vulgata editio sophistas et philosophos transtulit: non iuxta hanc philosophiam et sophisticam disciplinam, quam Graecorum eruditio pollicetur; sed iuxta doctrinam gentis barbarae, qua usque hodie Chaldaei philosophantur.