Ambrosius Ambrosius, De Fide ad Gratianum Augustum, 1, 18, 121 Accepisti, sancte Imperator, eos qui talia asserunt, iure damnatos. Non humana industria, non composito aliquo trecenti decem et octo, ut supra pressius dixi (Prolog. n. 5), episcopi ad concilium convenerunt: sed ut in numero eorum per signum suae passionis et nominis Dominus Iesus suo probaret se adesse concilio; Crux in trecentis, Iesu nomen in decem et octo est sacerdotibus.