Ambrosius Ambrosius, In Psalmum David CXVIII Expositio, 8, 2 Denique praemissa hac littera, statim sequitur persona iusti dicens: Portio mea, Domine: dixi custodire legem tuam. Codices plerique hunc versiculum, qui primus est litterae octavae, ultimo loco litterae habent septimae: sed secundum Hebraeos emendatus apud Graecos psalmorum liber hunc versum docuit nos octavae litterae copulandum. Deinde ordo ipse et numerus versuum ita convenit, ut ab eo incipiat octava littera.