monumenta.ch > Solinus > sectio 34

Word Selection for Searching

Report an Error in this Sectio
Solinus, Mirabilia, 53, 34
Sunt illic multae ac mirabiles bestiae, quarum e multitudine et copia vel particulam persequemur. Leucrocota velocitate praecedit feras universas; ipsa asini feri magnitudine, cervi clunibus, pectore ac cruribus leonis, capite melium, bisulca ungula, ore ad usque aures dehiscente, dentium locis osse perpetuo. Haec quod ad formam: nam voce loquentium hominum sonos aemulatur.