monumenta.ch > Plinius > sectio 29 > sectio 226

Word Selection for Searching

Report an Error in this Sectio
Plinius, Naturalis Historia, 8, 226
{LXXXIII} in Poroselene insula via mustelae non transeunt. item Boeotiae Lebadeae inlatae solum ipsum fugiunt, quae iuxta in Orchomeno tota arva subruunt, talpae. quarum e pellibus cubicularia vidimus stragula: adeo ne religio quidem a portentis submovet delicias. in Ithaca lepores inlati moriuntur extremis quidem in litoribus, in Ebuso cuniculi, scatentibus iuxta Hispania Baliaribusque.