monumenta.ch > Notkerus Balbulus > sectio 1

Word Selection for Searching

Report an Error in this Sectio
Notkerus Balbulus, Martyrologium, 4, 12, 1
Pergamo Asiae nativitas sanctorum Polycarpi episcopi, Pauli, Isaac, Agathonis. Romae via Aurelia, milliario tertio, in coemeterio Calepodii, nativitas sancti Iulii papae et confessoris. Qui sub Constantio Ariano, filio Constantini, decem mensibus tribulationes et exsilia perpessus, post eius mortem cum magna gloria ad sedem suam reversus est. Hic constituit ut nullus clericus causam quamlibet ageret nisi in ecclesia, et notitia fidei per notarios colligeretur, et sive cautiones, vel instrumenta, aut donationes, vel commutationes aut traditiones, aut testamenta, aut allegationes, aut manumissiones clericis in ecclesia celebrarentur.