monumenta.ch > Isidorus > sectio 4

Word Selection for Searching

Report an Error in this Sectio
Isidorus, Etymologiae, Liber 18, 4, 4
Item tubam quasi tibiam. Inter tubam autem et bucinam veteres discernebant. Nam bucina insonans sollicitudinem ad bella denuntiabat. Vergilius :

Qua bucina signum dira dedit.

Tuba autem proelium indicabant, ut :

At tuba terribilem sonitum.

Cuius sonus varius est. Nam interdum canitur ut bella committantur, interdum ut insequantur eos qui fugiunt, interdum receptui. Nam receptus dicitur quo se exercitus recipit, unde et signa receptui canere dicuntur.