monumenta.ch > Hildegardis Abbatissa > sectio 2

Word Selection for Searching

Report an Error in this Sectio
Hildegardis Abbatissa, Vita Disibodi, 2, 2
Tunc flere et orare coepit, dicens: Inclina, Domine, aurem tuam et exaudi me; quoniam inops et pauper sum ego ; quod sic intelligendum est: Tribulationibus meis condescendens, inclina, tu, Domine, qui rector cunctorum es, aurem misericordiae, et exaudi verba orationis meae, quoniam inops in anima, per pusillanimitatem mentis, et pauper in corpore, per contritionem afflictionum sum ego, qui te sequi, te diligere super omnia debui.