monumenta.ch > Curtius Rufus > sectio 22

Word Selection for Searching

Report an Error in this Sectio
Curtius Rufus, Historiae Alexandri Magni Macedonis, 8, 1, 22
Iamque iter parare in posterum iussus sollemni et tempestivo adhibetur convivio. In quo rex cum multo incaluisset mero, immodicus aestimator sui, celebrare, quae gesserat, coepit, gravis etiam eorum auribus, qui sentiebant vera memorari.