monumenta.ch > Cicero > sectio 8

Word Selection for Searching

Report an Error in this Sectio
Cicero, Orationes, pro Ligario, 2, 8
O clementiam admirabilem atque omnium laude, praedicatione, litteris monumentisque decorandam! M. Cicero apud te defendit alium in ea voluntate non fuisse in qua se ipsum confitetur fuisse, nec tuas tacitas cogitationes extimescit nec quid tibi de alio audienti de se occurrat reformidat.