monumenta.ch > Agobardus Lugdunensis > sectio 4

Word Selection for Searching

Report an Error in this Sectio
Agobardus Lugdunensis, De cavendo convictu et societate Iudaica, p1, 4
Sciat itaque paternitatis vestrae reverenda canities, me anno praesenti, dum paroechiae nostrae populos debita sollicitudine circumirem, et si qua in his depravata videbantur, pro viribus quas Dei gratia largiebatur, veritatis ratione corrigerem, denuntiasse omnibus et praecepisse secundum legem Dei et sanctorum canonum instituta, ut se, tanquam veri cultores Christianae fidei, omni observantia ab infidelium consortio segregarent; non utique gentilium, qui inter nos minime commorantur, sed Iudaeorum, qui in nostra hac et in nonnullis aliis vicinis urbibus videntur esse diffusi.