monumenta.ch > Plinius > sectio 9
Word Selection for Searching
Report an Error in this Sectio
Plinius, Naturalis Historia, 7, 9
{II} Esse Scytharum genera et quidem plura, quae corporibus humanis vescerentur, indicavimus. id ipsum incredibile fortasse, ni cogitemus in medio orbe terrarum [ac Sicilia et Italia] fuisse gentes huius monstri, Cyclopas et Laestrygonas, et nuperrime trans Alpis hominem immolari gentium earum more solitum, quod paulum a mandendo abest.