monumenta.ch > Petrus Blesensis > sectio 10

Word Selection for Searching

Report an Error in this Sectio
Petrus Blesensis, Epistulae, 38, 10
Porro si suis parentibus pietatis affectus impendit, non est hoc extra ordinem charitatis: cum Apostolus dicat: Qui suorum et maxime domesticorum curam non habet, fidem negavit et est infideli deterior . Verumtamen non adeo sanguini se indulget, quin etiam extraneis, si honesti sunt, munifice et magnifice provideat, eosque propinquioribus consanguineis anteponat.