monumenta.ch > Hildegardis Abbatissa > sectio 25
Word Selection for Searching
Report an Error in this Sectio
Hildegardis Abbatissa, Visiones, 2, 7, 25
Unde tortuosi efficiuntur, iustitiam Dei negligentes, et praevaricatores legis existentes, nec sibimetipsis circumcisionem mentis imponentes; quia superfluitatem in libidine quaerunt, nec ullum tempus legis ut eis a Deo constitutum est servant; sed ut mare a vento in inquietudinem concutitur, ita et ipsi de flatu antiqui draconis in diversa vitia moventur.