monumenta.ch > Hieronymus > sectio 25

Word Selection for Searching

Report an Error in this Sectio
Hieronymus, Commentarii, in Ieremiam, 3, 17, 25
Non sis mihi, inquit, tu formidini, spes mea in die afflictionis. Quod perspicuum est iuxta Hebraicum. Iuxta id vero, quod Septuaginta transtulerunt dicentes: Ne fias mihi alienus, parcens mihi in die malo, est sensus: Ne parcas mihi in praesenti saeculo, quod malum est; sed redde mihi iuxta peccata mea, ut requiem habeam sempiternam.