monumenta.ch > Hieronymus > sectio 8 > sectio 4 > sectio 53

Word Selection for Searching

Report an Error in this Sectio
Hieronymus, Commentarii, in Ezechielem, 14, 47, 53
Iuxta Ezechielem vero de medio Auran: quod est oppidum Damasci in solitudine, et de medio Galaad, qui mons Libani collibus copulatus cecidit in sortem Ruben, et Gad, et dimidiae tribus Manasse, et est a tergo Phoenicis et Arabiae: ad quem montem pervenit de Charris profectus Iacob, et comprehensus est a Laban , de quo et Ieremias loquitur: Galaad, tu mihi initium Libani , quam cepit de Amorrhaeorum regione Galaad filius Machir, filii Manasse: finisque huius plagae, Iordanis fluvius disterminans, et mare Orientale, quod in hoc loco mare Mortuum, non linguam maris Rubri intelligunt.