monumenta.ch > Hieronymus > sectio 33

Word Selection for Searching

Report an Error in this Sectio
Hieronymus, Commentarii, in Ezechielem, 14, 47, 33
Super hoc mare ab Engaddi, oculo et fonte haedi, qui pro peccato semper offertur ad Engallim, fontem vitulorum, qui mactantur Domino, et imitantur vitulum cornua efferentem et ungulas, qui in typo Salvatoris ad altare mactatur, erunt piscatores, quibus loquitur Dominus Iesus: Venite ad me, et faciam vos piscatores hominum : de quibus et Ieremias: Ecce ego, inquit, mittam piscatores . Et plurimae species, immo genera piscium erunt in mari quondam mortuo.