monumenta.ch > Hieronymus > sectio 38
Word Selection for Searching
Report an Error in this Sectio
Hieronymus, Commentarii, in Ezechielem, 14, 46, 38
Et considerandum quod locus sacerdotum, ubi pro delicto, sive ignorantia, et pro peccato coquuntur sacrificia, ne cruda offerantur, in atrium exterius ad Aquilonem et Occidentem positus sit: unde ventus frigidissimus oritur, et ubi solis lumen occumbit. Ex quo ostenditur, quidquid ad edulium pertinet, vel pro errore esse, vel pro peccato.