monumenta.ch > Hieronymus > sectio 5 > sectio 24
Word Selection for Searching
Report an Error in this Sectio
Hieronymus, Commentarii, in Ezechielem, 14, 46, 24
Et faciet, inquit, holocaustum suum, et pacifica sua: de quibus nunc diximus. Faciet autem, quia spontaneum sacrificium est, et non alii pro eo facient sacerdotes, videlicet sicut fieri solet in die sabbati. Ergo omni tempore holocaustum, et pacificum, quod offertur voluntarie, reseratam habet portam Domini: nec observat sabbatum, sed omnes dies ei reputantur in requiem.