monumenta.ch > Gregorius Magnus > sectio 5
Word Selection for Searching
Report an Error in this Sectio
Gregorius Magnus, Epistolae, 11, 56, 5
Nihil in dandis ecclesiasticis ordinibus auri saeva fames inveniat, nil blandimenta subripiant, nil gratia conferat: honoris praemium vita sit, provectus incrementum modestia, ut obtinente huiusmodi observantia, et indignus qui praemiis quaerit ascendere iudicetur, et digne cui bonum testimonium actio perhibet honoretur.