monumenta.ch > Gregorius Magnus > sectio 21
Word Selection for Searching
Report an Error in this Sectio
Gregorius Magnus, Epistolae, 9, 110, 21
Qua de re, ut magnum omnipotenti Domino munus valeatis offerre, synodum congregari praecipite, in qua, sicut fratribus coepiscopisque nostris mandavimus, praesente dilectissimo filio nostro Cyriaco abbate, sub anathematis debeat obligatione constitui, nullum pro ecclesiastico ordine aliquid unquam dare, nullum accipere, nec quemquam ex laicis ad sacerdotium repente transire, quatenus hanc vobis mercedem et hic et in futura vita Redemptor noster, cuius sacerdotes interius ab hoste perire non sinitis, recompenset.