monumenta.ch > Cassiodorus > sectio 44 > sectio 170 > csg855.264 > bnf13048.64 v > sectio 173 > sectio 359

Word Selection for Searching

Report an Error in this Sectio
Cassiodorus, Institutiones, 2, 3, 359
Scire autem debemus Iosephum Hebraeorum doctissimum, in libro primo Antiquitatum, titulo nono, dicere arithmeticam et astronomiam Abraham primum Aegyptiis tradidisse; unde semina suscipientes (ut sunt homines acerrimi ingenii) excoluisse sibi reliquas latius disciplinas. Quas merito sancti Patres nostri legendas studiosissimis persuadent: quoniam ex magna parte per eas a carnalibus rebus appetitus noster abstrahitur, et faciunt desiderare quae, praestante Domino, solo possumus corde respicere.