monumenta.ch > Cassiodorus > sectio 346 > sectio 315 > bbb234.11r > sectio 222
Word Selection for Searching
Report an Error in this Sectio
Cassiodorus, Institutiones, 2, 3, 222
Nunc ducuntur argumenta et ex his rebus quae quodammodo affectae sunt ad id de quo quaeritur, et ex rebus aliis tractae noscuntur: et sunt loca tredecim, id est, alia a coniugatis, alia a genere, alia a forma generis, id est specie, alia a similitudine, alia a differentia, alia ex contrario, alia a coniunctis, alia ab antecedentibus, alia a consequentibus, alia a repugnantibus, alia a causis, alia ab effectibus, alia a comparatione minorum, maiorum aut parium.