monumenta.ch > Cassiodorus > sectio 104

Word Selection for Searching

Report an Error in this Sectio
Cassiodorus, Institutiones, 2, 3, 104
Quoniam vero huiusmodi simplices propositiones alterum habent praedicativum terminum, alterum vero subiectum, a maioris privilegio partis propositio praedicativa vocata est. Saepe autem evenit ut hi termini sibimet inveniantur aequales, hoc modo, homo risibilis est; homo namque et risibilis uterque sibi aequus est terminus.