monumenta.ch > Cassiodorus > sectio 98 > sectio 71 > sectio 95

Word Selection for Searching

Report an Error in this Sectio
Cassiodorus, Institutiones, 2, 3, 95
Propositio est oratio verum falsumve significans, ut si quis dicat coelum esse volubile: haec enuntiatio et proloquium nuncupatur. Quaestio vero est, in dubitationem ambiguitatemque adducta propositio; ut si qui quaerant, an sit coelum volubile. Conclusio est argumentis approbata propositio, ut si quis ex aliis rebus probet coelum esse volubile.