monumenta.ch > Cassiodorus > sectio 2
Word Selection for Searching
Report an Error in this Sectio
Cassiodorus, Historia Ecclesiastica, 7, 29, 2
Quamobrem Ariani in locum eius ordinaverunt Demophilum. Verum praedicatores consubstantialitatis opportunum iudicantes invenisse se tempus, Evagrium quemdam suae fidei constituerunt episcopum. Quem ordinavit Eustathius, dudum Antiochenus episcopus, qui prius quidem a Ioviano fuerat de exsilio revocatus; tunc autem aderat in urbe Constantinopoli latenter degens, ut consubstantialitatis praedicatores sua praesentia roboraret.