monumenta.ch > Cassiodorus > sectio 2

Word Selection for Searching

Report an Error in this Sectio
Cassiodorus, Historia Ecclesiastica, 9, 10, 2
Cumque ille propositionem huiusmodi refugisset, tunc imperator: Si pacem, inquit, concordiamque declinas, fugere te etiam a sacris basilicis ego praecipio. Haec audiens Demophilus, et cogitans quia grave esset potioribus resultare, convocans in ecclesiam plebem, et surgens in medio cunctorum, haec per se subiectis verba locutus est: Fratres; scriptum est in Evangelio: Si persecuti vos fuerint, ex ista civitate fugite in aliam . Quia igitur imperator ecclesiis opus habet, scitote crastina nos collectam foris urbem celebraturos.