monumenta.ch > Cassiodorus > sectio 10

Word Selection for Searching

Report an Error in this Sectio
Cassiodorus, Historia Ecclesiastica, 9, 3, 10
In Antiochia vero iam prius Vitalem ordinaverat, vita quidem optima decoratum, et apostolicis dogmatibus enutritum , postea tamen hoc languore putrefactum. Porro sacratissimus Meletius Diodorum illum cuius iam meminimus, qui sub hac tempestate nimis asperrima, Ecclesiae navem sine submersione servaverat, Tarsensium pastorem constituit, eique Ciliciae gentis curam commisit: Apameiae vero pontificalem curam Ioanni dedit; qui licet genere ac nobilitate fulgebat, tamen progenitores propriis virtutibus adornabat.