monumenta.ch > Cassiodorus > sectio 41
Word Selection for Searching
Report an Error in this Sectio
Cassiodorus, Historia Ecclesiastica, 8, 1, 41
Moyses autem cum servus esset, propter culpas expulsus e domo est; qui latrocinio deditus, homicidia multa commisit. Postea vero conversus, repente huiusmodi philosophiae virtute completus est. Cumque propriis vitae fervore phantasiis adhuc prioris libidinis moveretur, multa abstinentia domabat corpus suum, panem solummodo comedens, et multum opus efficiens.