monumenta.ch > Cassiodorus > sectio 29

Word Selection for Searching

Report an Error in this Sectio
Cassiodorus, Expositio in Psalterium, 3, 106, 29
Ipsi viderunt opera Domini, et mirabilia eius in profundo. Ipsi praedicatores qui operas eius spirituali intelligentia cognoverunt; ut mare Rubrum, baptismum; ut Ionae triduanam illam ferini ventris innoxiam habitationem sepulcrum Domini significare cognoscerent; et his similia, quae Scripturarum divinarum praefigurationibus agebantur. Eoque fit ut mirabilia eius in profundo respiciant qui operas eius spirituali aestimatione considerant.