monumenta.ch > Cassiodorus > sectio 20
Word Selection for Searching
Report an Error in this Sectio
Cassiodorus, Expositio in Psalterium, 1, 41, 20
Dum confringuntur omnia ossa mea, exprobraverunt mihi qui tribulant me. Ossa ad firmitatem mentis saepe diximus pertinere. Ergo dum patientiae nostrae virtus affligitur, quasi ossa franguntur. Hoc irrident videntes inimici, et velut probrosum aliquem abominantur, cui nullam felicitatem mundi istius arridere cognoscunt.