monumenta.ch > Hieronymus > csg75.742 > sectio 4

Word Selection for Searching

Report an Error in this Sectio
Cassiodorus, Expositio in Psalterium, 1, 39, 4
Prima narratione gratias agit Ecclesia, quae venit ex gentibus: quia de mundi istius veternoso moerore liberata, ad Novi Testamenti meruit gaudia pervenire. Secunda ipse Dominus loquitur Christus, sanctam incarnationem et iustitiam suae praedicationis exponens; ob hoc Patris auxilium deprecatur, ut pericula possit a Iudaeis illata superare: confundi postulans inimicos, et laetari omnes qui sperant in eum.