monumenta.ch > Cassiodorus > sectio 18
Word Selection for Searching
Report an Error in this Sectio
Cassiodorus, Expositio in Psalterium, 1, 20, 18
Quoniam pones eos deorsum, in reliquiis tuis praeparabis vultum eorum. Positi sunt deorsum Iudaei, quando vitio suo terrena sapientes, non meruerunt coelestia contueri. Sed vultus eorum, id est mala intentio ipsorum, ad reliquias Domini, hoc est ad passionem aptata est; ut cum illi se inferre crederent dispendium mortis, salus fieret absolute generalis.