monumenta.ch > Ambrosius > sectio 19
Word Selection for Searching
Report an Error in this Sectio
Ambrosius, De Incarnationis Dominicae Sacramento, 1, 3, 19
Habet utique quod Pater, quia Deus erat. Quomodo huius negas aeternitatem, cui unum cum Patre Dei nomen est? Non te sonus capiat, similitudoque sermonis: aliud Verbum est, quod tempora habet, quod syllabis colligitur litterisque componitur: non tale Verbum Filius, quia non talis est Pater Verbi.